தமிழகம் முழுவதும் கொரோனா அச்சுறுத்தல் காரணமாக பள்ளி மற்றும் கல்லூரிகள் அனைத்தும் மூடப்பட்டுள்ளன. கல்லூரி மாணவர்களுக்கு ஆன்லைன் மூலமாக வகுப்புகள் நடத்தப்பட்டு வருகிறது. பள்ளி மாணவர்களின் நலனை கருத்தில் கொண்டு 1 முதல் 12-ஆம் வகுப்பு வரையிலான மாணவர்கள் அனைவரும் தேர்ச்சி என தமிழக அரசு அறிவித்தது. தற்போது அடுத்த கல்வியாண்டு தொடங்கி விட்டது. தமிழகம் முழுவதிலும் உள்ள பள்ளிகளில் மாணவர் சேர்க்கை நடந்து கொண்டிருக்கிறது.
இந்நிலையில் சென்னை மாநகராட்சி பள்ளிகளில் ஒரே வாரத்தில் 7 ஆயிரம் மாணவர்கள் சேர்க்கப்பட்டுள்ளதாக அறிவிக்கப்பட்டுள்ளது. அரசு பள்ளிகள் தொடர்ந்து தரம் கூட்டப்பட்டு வந்தாலும் பெற்றோர்கள் தனியார் பள்ளிகளிலேயே தங்கள் பிள்ளைகளைச் சேர்த்து வந்தனர். இந்நிலையில் தற்போது தனியார் பள்ளி கட்டணம் சுமை காரணமாக இதற்கு முன் இல்லாத அளவுக்கு அரசு பள்ளி சேர்க்கை அதிகரித்துள்ளதாக அறிவிக்கப்பட்டுள்ளது.