நடிகர் விஜய் நடித்த பிகில் படம் குறித்த புதிய 4 ஹேஷ்டாக் # இந்தியளவில் ட்ரெண்டாகி வருகின்றது.
அட்லி இயக்கத்தில் தெறி , மெர்சல் மாபெரும் வெற்றிபெற்றதை தொடர்ந்து 3வது முறையாக விஜய் – அட்லி பிகில் படத்தில் இணைந்துள்ளனர் . இப்படத்தை அர்ச்சனா கல்பாத்தியின் ஏஜிஎஸ் என்டெர்டெய்ன்மெண்ட் நிறுவனம் தயாரித்துள்ளது . ஏஆர் ரகுமான் இப்படத்திற்கு இசையமைத்துள்ளார்.இப்படம் பெண்கள் கால்பந்து விளையாட்ட்டை மையப்படுத்தி எடுக்கப்பட்ட இந்த படத்தில் நடிகர் அப்பா , மகன் என இரண்டு வேடத்தில் கால்பந்து பயிற்சியாளராக நடித்துள்ளார்.
இப்படத்தில் விஜய்க்கு ஜோடியாக நயன்தாரா நடித்திருக்கிறார். மேலும் காமெடி நடிகர் விஜய், டேனியல் பாலாஜி, யோகி பாபு, பரியேரும் பெருமாள் கதிர் உட்பட பலர் இப்படத்தில் நடித்துள்ளனர் பிகில் படத்தின் ட்ரைலர் கடந்த 12_ஆம் தேதி வெளியாகி பல சாதனைகளை செய்து வருகின்றது. மேலும் பிகில் படம் 25_ஆம் தேதி வெளியாகும் என்று அதிகாரப்பூர்வமாக அறிவிக்கப்பட்டது.
இதனிடையே பிகில் படத்தின் கதை என்னுடையது எனவே படத்திற்கு தடை விதிக்க வேண்டுமென்ற துணை இயக்குனர் கே.பி செல்வா தொடர்ந்த வழக்கு நீதிமன்றத்தில் நடைபெற்று வருகின்றது. இதில் நீதிமன்றம் எந்த உத்தரவும் பிறப்பிக்கவில்லை என்றாலும் துணை இயக்குநர் கே.பி செல்வாவுக்கு காப்புரிமை வழக்கு தொடுக்க நீதிமன்றம் அனுமதி அளித்துள்ளது.
வழக்கு விசாரணை நடைபெற்று வருவதாலும் , நீதிமன்றமே காப்புரிமை வழக்கு தொடர அனுமதி அளித்ததால் படம் வெளியாவதில் சிக்கல் எழுமா ? என்ற கேள்வி எழுந்துள்ளது. மேலும் அதிமுக அரசின் சார்பில் சிறப்பு காட்சிகள் கிடையாது என்ற உத்தரவும் பிறப்பிக்கப்பட்ட்டுள்ளது. ஏற்கனவே படத்திற்கான டிக்கெட் புக் செய்ததை திரும்ப பெற்றுக்கொள்ளவும் அரசு தெரிவித்துள்ளது.
https://twitter.com/actorvijay/status/1186907513100259328
இதனால் தீபாவளி பிகில் எதிர்பார்த்த வசூலை கொடுக்குமா ? என்ற நிலை விஜய் ரசிகர்களை அதிருப்தி அடைய வைத்துள்ளது. இந்நிலையில் இன்று காலை நடிகர் விஜய் தனது ட்வீட்_டர் பக்கத்தில் #Bigil என்ற பதிவை பதிவிட்டார். இதனால் கவலையில் இருந்த ரசிகர்கள் உற்சாகம் அடைந்தனர். வெறும் உற்சாகத்தோடு மட்டும் இல்லாமல் இந்திய அளவில் பிகில் குறித்து ட்ரெண்ட் செய்து வந்தனர்.
அந்தவகையில் #PodraVediya, #வெறித்தனம், #தளபதி63, #BigilOnTicketNew, என்ற 4 ஹேஷ்டக்_கள் இந்தியளவில் ட்ரெண்டாகின. அதில் நடிகர் விஜய் குறித்தும் , பிகில் பட கொண்டாட்டம் குறித்தும் , பிகில் படத்தில் தற்போது நடக்கும் பல்வேறு நிகழ்வுகள் குறித்து தங்களின் கருத்துக்களை பதிவு செய்து வருகின்றனர்.