வீடு புகுந்து 10 பவுன் நகையை திருடி சென்ற மர்ம நபரை காவல்துறையினர் வலைவீசி தேடி வருகின்றனர் .
நாகப்பட்டினம் மாவட்டம் கீழ்வேளூர் அருகே உள்ள ஊராட்சி பகுதியில் கடம்பர வாழ்க்கை நடுத்தெருவை சேர்ந்த அயில்தாஸ் என்பவரின் மனைவி பத்மாவதி .இவரும் இவருடைய மருமகள் ரஞ்சிதாவும் சம்பவ தினத்தன்று வீட்டில் தூங்கி கொண்டு இருந்தனர் .அப்போது நள்ளிரவு 1 மணியளவில் மாமியார் பத்மாவதி எழுந்து பார்த்த போது அவர் கழுத்தில் இருந்த 2½ பவுன் தங்க சங்கிலியை காணவில்லை. இதனால் அதிர்ச்சி அடைந்த அவர் தனது மருமகள் ரஞ்சிதாவை பார்த்தபோது அவர் கழுத்தில் இருந்த 1½ தங்க சங்கிலியை அறுத்துக் கொண்டு மர்மநபர் ஒருவர் வீட்டில் பின்புற வழியாக தப்பிச் செல்வதைக் கண்டு சத்தம் போட்டுள்ளார்.
இது தொடர்ந்து அவர் வீட்டில் இருந்த பீரோவை பார்த்தபோது அதிலிருந்த நெக்லஸ் ,மோதிரம் செயின் உட்பட 6 பவுன் நகையை மர்ம நபர் உள்ளே சென்றது தெரியவந்தது .இதுகுறித்து தகவல் அறிந்த கீழ்வேளூர் காவல்துறையினர் சம்பவ இடத்திற்கு விரைந்து வந்து விசாரணை நடத்தினர். மேலும் மோப்ப நாய் வரவழைக்கப்பட்டு திருட்டு நடந்த வீட்டில் சோதனை நடத்தப்பட்டது. இதன் பின்னர் கைரேகை நிபுணர்கள் வீட்டிலிருந்த கைரேகைகளை பதிவு செய்தனர் இதுதொடர்பான புகாரின்பேரில் வழக்குப்பதிவு செய்த காவல்துறையினர் நகையை திருடிச் சென்ற மர்ம நபரை வலைவீசி தேடி வருகின்றனர் .இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.