நடிகர் தனுஷ் பிறந்த நாளை முன்னிட்டு இயக்குனர் பாரதிராஜா அவருக்கு வாழ்த்து ஒன்றை தெரிவித்துள்ளார். அதில் அவர் கூறியுள்ளதாவது: “திரையில் தோன்றும் சில கதாபாத்திரங்கள் நம்மையும் அறியாமல் நமக்குள் ஊடுருவி நம் உணர்வோடு, உறவோடு பின்னப்பட்டதாய் அமைந்துவிடும். ஆனால் கதாபாத்திரத்தை ஏற்று நடித்த நபரின் உண்மையான குணநலன்கள் நிஜவாழ்க்கையில் முற்றிலும் நேர்மாறாக இருப்பதை கண்டு நான் அதிர்ச்சியில் உறைந்து விடுவதுண்டு.
வாழ்க்கையில் எப்படியோ அதை திரையிலும் பிரதிபலிப்புகள் ஒரு சிலரே. அதில் உன்னைத்தான் முதன்மையானவராக பார்க்கிறேன். எளிமை, தன்னடக்கம், விருதுகள் வென்று குவித்தாலும் நான் என்கிற அகந்தை அற்ற பணிவு. சிறந்த கலை தொழில்நுட்ப அறிவு. இது போதும்டா இன்னும் நூறு உலக விருதுகள் உன் வீட்டுக்கதவைத் தட்டும். பேரன்புமிக்க தங்கமகன் தனுஷ் இன்றைய நாளில் எல்லா வளங்களும் பெற்று சீருடன் சிறப்புடன் வாழ வாழ்த்துகிறேன்” என்று அந்தக் கட்டுரையில் அவர் தெரிவித்திருந்தார்