தளபதி விஜய் நடித்து கடந்த ஜனவரியில் வெளியான மாஸ்டர் திரைப்படத்தில் இடம்பெற்றுள்ள வாத்தி கம்மிங் பாடல் 100 மில்லியன் பார்வைகளை நெருங்கியுள்ளது.
கடந்த ஜனவரி மாதம் இயக்குனர் லோகேஷ் கனகராஜ் இயக்கத்தில், தளபதி விஜய் மற்றும் மக்கள் செல்வன் விஜய் சேதுபதியின் அசத்தலான நடிப்பில் வெளிவந்த படம் மாஸ்டர். திரையரங்கில் வெளியான இத்திரைப்படத்திற்கு கொரோனா காரணமாக 50 சதவீத இருக்கைகள் தான் அனுமதிக்கப்பட்டிருந்தது.
எனினும் ரசிகர்களின் மிகப்பெரிய ஆதரவுடன் வசூலில் சக்கை போடு போட்டுள்ளது. அதாவது 250 கோடிக்கு மேல் வசூல் செய்து சாதனை படைத்திருக்கிறது. மேலும் இத்திரைப்படம் வெளியாகி பல மாதங்கள் கடந்த நிலையிலும் ரசிகர்கள் வெவ்வேறு விதமாக படத்தை கொண்டாடிக் கொண்டு தான் இருக்கிறார்கள்.
இதன்படி இப்படத்தில் இடம்பெற்றிருக்கும் “வாத்தி கம்மிங்” பாடல் பெரிய அளவில் பிரபலமாகி வைரலாகி வருகிறது. நாள்தோறும் இப்பாடலுக்கு பல பிரபலங்கள் நடனம் ஆடும் வீடியோ தொடர்ந்து வெளியாகி வருவதால், ரசிகர்கள் இதனை கொண்டாடி வருகிறார்கள்.