இஸ்ரேல் நாட்டின் யவ்னே நகரில் நிகழ்த்தப்பட்ட அகழாய்வின்போது கழிவுநீர் தொட்டியில் இருந்து தொல்பொருள் ஆய்வாளர்கள், ஆயிரம் ஆண்டுகள் பழமையான கோழிமுட்டையை கண்டுபிடித்துள்ளனர்.இந்த முட்டை இத்தனை ஆண்டுகளாக உடையாமல் இருப்பது தொல்லியல் ஆராய்ச்சியாளர்கள் மத்தியில் பெரும் ஆச்சரியத்தை ஏற்படுத்தியுள்ளது. முட்டையின் ஓட்டை வைத்து அதன் பழமையை கண்டுபிடித்த ஆய்வாளர்கள், முட்டையின் அடிப்பகுதியில் லேசான விரிசல் ஏற்பட்டிருப்பதாகவும், அதனால் அதிலிருந்து வெள்ளை கரு கசிந்து தற்போது சிறிதளவு மஞ்சள் கரு மற்றும் இருப்பதாகவும் தெரிவித்துள்ளனர்.
இதுபற்றி தொல்பொருள் ஆய்வாளர் ஒருவர் கூறும்போது, “இது மிகவும் அரிதான கண்டுபிடிப்பு. தென்கிழக்கு ஆசியாவில் 6 ஆயிரம் ஆண்டுகளுக்கு முன்பே கோழிகள் வளர்க்கப்பட்டன. ஆனால் அவை மனித உணவில் நீண்ட காலத்திற்கு பிறகே சேர்க்கப்பட்டது. அவை சேவல் சண்டை போன்ற பிற நோக்கங்களுக்காகப் பயன்படுத்தப்பட்டன” என்று கூறியுள்ளார்.