உலகளவில் கொரோனா வைரஸ் தாக்குதலால் உயிரிழந்தோரின் எண்ணிக்கை 21 லட்சத்து 64 ஆயிரத்து தாண்டியுள்ளது, பாதிப்பு எண்ணிக்கை 10 கோடியை கடந்துள்ளது.
சீனாவின் வுகான் நகரில் கடந்த ஆண்டு டிசம்பர் மாதம் கண்டுபிடிக்கப்பட்ட கொரோனா வைரஸ் உலகின் 210க்கும் மேற்பட்ட நாடுகளுக்கு பரவி மனிதப் பேரழிவை ஏற்படுத்தி வருகிறது. குறிப்பாக அமெரிக்காவின் பாதிக்கப்பட்டோரின் எண்ணிக்கை 2 கோடியே 59 லட்சத்தை தாண்டியுள்ளது. பலி எண்ணிக்கை 4 லட்சத்து 34 ஆயிரத்தை கடந்துவிட்டது. இரண்டாவது இடத்தில் உள்ள இந்தியாவில் 1 கோடியே 68 லட்சத்துக்கும் மேற்பட்டோர் பாதிக்கப்பட்டுள்ளனர். இதுவரை 1 லட்சத்து 53 ஆயிரத்து 724 பேர் உயிரிழந்து விட்டனர். மூன்றாவது இடத்தில் உள்ள பிரேசிலில் பாதிக்கப்பட்டோரின் எண்ணிக்கை 89 லட்சத்து 33 ஆயிரத்தை தாண்டி உள்ளதோடு 2 லட்சத்து 18 ஆயிரத்துக்கும் அதிகமானோர் உயிரிழந்தனர்.
இதேபோல் ரஷியா, பிரிட்டன், தென்னாப்பிரிக்கா, மெக்சிகோ, சிலி, பெரு, கொலம்பியா உள்ளிட்ட பல்வேறு நாடுகளையும் கொரோனா வைரஸ் ஆட்டிப்படைத்து வருகிறது. சர்வதேச அளவில் கொரோனா வைரஸ் தாக்குதலால் உயிரிழந்தோரின் எண்ணிக்கை 21இலட்சத்தை தாண்டியுள்ளது. 1 கோடியே 68 லட்சத்துக்கும் மேற்பட்டோர் பாதிக்கப்பட்டுள்ளனர். உலகளவில் இதுவரை 7 கோடியே 27 லட்சத்து மேற்பட்டோர் கொரோனாவில் இருந்து மீண்டு உள்ளனர்.