தமிழகத்தில் தஞ்சை, விழுப்புரத்தை தொடர்ந்து நாமக்கல் மாவட்டம் அரசு மேல்நிலைப்பள்ளி மாணவருக்கு கொரோனா பாதிப்பு உறுதி செய்யப்பட்டுள்ளது.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தன. இதனையடுத்து 10 மற்றும் 12ஆம் வகுப்பு மாணவர்களுக்கு பொதுத்தேர்வு நெருங்கிக் கொண்டிருப்பதால், பெற்றோர்களிடம் கருத்து கேட்கப்பட்டு பள்ளிகள் திறக்கப்பட்டன. தற்போது தமிழகம் முழுவதிலும் 9 முதல் 12 ஆம் வகுப்பு மாணவர்கள் அனைவருக்கும் பள்ளிகள் திறக்கப்பட்டு வகுப்புகள் நடந்து கொண்டிருக்கின்றன.
இந்நிலையில் தமிழகத்தில் குறைந்து வந்த கொரோனா பாதிப்பு, கடந்த சில நாட்களாக மீண்டும் அதிகரித்து வருவதால் அச்சம் ஏற்பட்டுள்ளது. இதனையடுத்து தஞ்சை அம்மாபேட்டை அரசு உதவி பெறும் பெண்கள் மேல்நிலைப்பள்ளியில் 56 மாணவிகளுக்கு கொரோனா பாதிப்பு உறுதி செய்யப்பட்டது. மேலும் அங்கு படிக்கும் மாணவிகளின் பெற்றோர்கள் 5 பேருக்கு கொரோனா பாதிப்பு உறுதியாகியுள்ளது.
ஏற்கனவே 56 மாணவிகளுக்கு கொரோனா உறுதியான நிலையில், தற்போது 5 பெற்றோருக்கும் கொரோனா பாதிப்பு உறுதியாகியுள்ளது. தமிழகத்தில் மீண்டும் கொரோனா பாதிப்பு அதிகரித்து வரும் நிலையில், பொதுமக்கள் மிக எச்சரிக்கையாக இருக்க வேண்டும் என அறிவுறுத்தப்பட்டுள்ளது.
இதனையடுத்து தஞ்சை மாவட்டம் அம்மாபேட்டை அரசு உதவி பெறும் பள்ளியில் மேலும் ஒரு மாணவி மற்றும் இரண்டு பெற்றோருக்கு கொரோனா பாதிப்பு உறுதியாகி உள்ளதாக அதிர்ச்சி தகவல் வெளியாகி உள்ளது. ஏற்கனவே 56 மாணவிகள், ஒரு ஆசிரியர், 9 பெற்றோருக்கு கொரோனா உறுதியான நிலையில் மேலும் மூன்று பேருக்கு கொரோனா பாதிப்பு உறுதியாகியுள்ளது. கொரோனா பாதிப்பைத் தொடர்ந்து அப்பகுதி தடை செய்யப்பட்ட பகுதியாக அறிவிக்கப்பட்டுள்ளது.
இந்நிலையில் தஞ்சை மற்றும் விழுப்புரத்தை தொடர்ந்து நாமக்கல் மாவட்டம் ராசிபுரம் அரசு மேல்நிலைப் பள்ளியில் 11ஆம் வகுப்பு மாணவனுக்கு கொரோனா பாதிப்பு உறுதி செய்யப்பட்டுள்ளது. கொரோனா உறுதியானதை அடுத்து மருத்துவமனையில் சிகிச்சைக்காக அனுமதிக்கப்பட்டுள்ளார். அவருடன் தொடர்பில் இருந்த மாணவர்கள் மற்றும் குடும்ப உறுப்பினர்களுக்கு கொரோனா பரிசோதனை மேற்கொள்ள திட்டமிடப்பட்டுள்ளது.