தமிழ் சினிமாவில் உச்ச நட்சத்திரமாக ஜொலிப்பவர் நடிகர் விஷால். செல்லமே என்ற திரைப்படத்தின் மூலம் நடிகராக அறிமுகமான விஷால் ஆக்சன் ஹீரோவாக ரசிகர்கள் மத்தியில் தனக்கென தனி இடத்தை பிடித்துள்ளார். இவர் தற்போது லத்தி மற்றும் மார்க் ஆண்டனி போன்ற திரைப்படங்களில் நடித்து வருகிறார். இந்நிலையில் சென்னையில் உள்ள மாத்தூர் பகுதியில் விஷால் மக்கள் இயக்கம் சார்பில் 11 ஏழை ஜோடிகளுக்கு இலவச திருமணம் செய்து வைக்கப்பட்டது.
இந்த திருமணத்தை நடிகர் விஷால் முன்னின்று நடத்தி வைத்ததோடு 3 மத முறைப்படி சாமியை வணங்கி தாலியை நடிகர் விஷால் எடுத்துக் கொடுத்தார். அதன்பிறகு 51 வகையான பொருட்கள் அடங்கிய சீர்வரிசையை நடிகர் விஷால் மணமக்களுக்கு கொடுத்து வாழ்த்தினார். இது தொடர்பான புகைப்படங்கள் தற்போது இணையதளத்தில் வெளியாகி வைரலாகி வருகிறது. மேலும் இந்த புகைப்படத்தை பார்த்த ரசிகர்கள் நடிகர் விஷாலின் சேவையை பார்த்து மன மகிழ்ந்து பாராட்டி வருகின்றனர்.
