ஊட்டியில் 13 கோடியில் ஆவின் பாலாடை கட்டி தயாரிப்பு திட்டம் தொடங்கப்படும் என சட்டமன்ற உறுதிமொழி குழு தலைவர் கூறியுள்ளார்.
நீலகிரி மாவட்டத்தில் பல்வேறு துறைகள் சார்பாக மேற்கொள்ளப்பட்டு வரும் வளர்ச்சி திட்ட பணிகளை தமிழ்நாடு சட்டமன்ற உறுதிமொழி குழு தலைவர் உதயசூரியன் தலைமையிலான உறுப்பினர்கள் பார்வையிட்டார்கள். அதன் பிறகு தமிழக அரசினர் விருந்தினர் மாளிகையில் தமிழ்நாடு சட்டமன்ற பேரவை அரசு உறுதிமொழி குழுவிற்கு பெறப்பட்ட மனுக்களில் ஐம்பது மனுக்கள் மீது எடுக்கப்பட்ட நடவடிக்கைகள் குறித்து ஆய்வுக் கூட்டம் நடந்தது.
அப்பொழுது உறுதிமொழி குழு தலைவர் உதயசூரியன் பேசும்பொழுது, நபார்டு வங்கி நிதியுதவி பெற்று 13.14 கோடி மதிப்பீட்டில் புதிய பாலாடை கட்டி தயாரிக்கும் அலகு நிறுவ நடவடிக்கை எடுக்கப்படும். நீலகிரி மாவட்டத்தில் உள்ள தொகுதிகளில் மேற்கொள்ளப்பட்ட வேண்டிய பல்வேறு பணிகள் குறித்து சட்டமன்ற உறுப்பினர்கள் வைத்த கோரிக்கை முதல்வரின் கவனத்திற்கு எடுத்துச் செல்லப்படும் என அவர் பேசினார்.