திரில்லர் மற்றும் துப்பறியும் கதைகளை டைரக்டு செய்வதில் வல்லவரான இயக்குனர் அறிவழகன் அண்மை காலமாக நடிகர் அருண்விஜய் வைத்து தொடர்ந்து படங்களை இயக்கி வந்தார். இந்நிலையில் இப்போது சபதம் என்ற திரைப்படத்தை இயக்கி வருகிறார். இப்படத்தில் கதாநாயகனாக ஆதி நடிக்கிறார்.
கடந்த 13 வருடங்களுக்கு முன் வெளியாகிய ஈரம் படத்தில் இயக்குனராக அறிமுகமான அறிவழகன், அப்படத்தில் கதாநாயகனாக நடித்த ஆதிக்கும் மிகப் பெரிய திருப்புமுனையை பெற்றுத்தந்தார். இந்த நிலையில் சபதம் படத்திற்காக இவர்கள் இணைந்துள்ளனர். இப்படத்தின் துவக்க விழா பூஜை நேற்று நடந்தது. மேலும் ஈரம் படத்திற்கு இசையமைத்த இசையமைப்பாளர் தமனும் இந்த சபதம் திரைப்படத்துக்காக இவர்களுடன் மீண்டும் கூட்டணி சேர்ந்து உள்ளார்.