மெக்சிகோ நாட்டில் குடும்ப விழாவில் திடீரென நடத்திய துப்பாக்கி சூட்டில் 13 பேர் பலியானது அந்த பகுதியில் சோகத்தை ஏற்படுத்தியுள்ளது.
மெக்சிகோ நாட்டின் வேராகர்ஸ் மாநிலத்தில் உள்ள மினாடிட்லன் நகரில் ஒரு குடும்ப விழா நடைபெற்றுக் கொண்டிருந்தது. அப்போது ஒரு மர்ம நபர் அந்த விழாவில் புகுந்து திடீரென அங்கிருந்தவர்களை நோக்கி சரமாரியாக துப்பாக்கியால் சுடத்தொடங்கினார். இந்த துப்பாக்கிச் சூட்டில் ஒரு குழந்தை, 5 பெண்கள், 7 ஆண்கள் என மொத்தம் 13 பேர் எதற்கு இறந்தோம் என்றே தெரியாமல் சம்பவ இடத்திலேயே பரிதாபமாக பலியாகினர்.
தகவலறிந்து அந்த இடத்திற்கு விரைந்து வந்த போலீசார் காயமடைந்த 4பேரை மீட்டு அருகிலுள்ள மருத்துவமனையில் சேர்த்து சிகிச்சை அளித்து வருகின்றனர். துப்பாக்கிச்சூடு நடத்தியது குறித்து போலீசார் தீவிரமாக விசாரணை நடத்தி வருகின்றனர். குடும்ப விழாவில் மர்ம நபர் புகுந்து நடத்திய துப்பாக்கி சூட்டில் 13பேர் உயிரிழந்த சம்பவம் அந்த பகுதியில் சோகத்தையும், பரபரப்பையும் ஏற்படுத்தியுள்ளது.
