ஆந்திராவில் டிக்டாக் பிரபலம் ஒருவர் 14 வயது சிறுமியை கர்பமாக்கிய சம்பவம் அதிர்ச்சியை ஏற்படுத்தியுள்ளது.
ஆந்திராவில் உள்ள விஜயநகரம் மாவட்டத்தில் இருக்கும் கோத்தவாலாசா பகுதியில் வசிக்கும் நபர் பார்க்கவ். இவர் டிக் டாக் செயலி மூலமாக பிரபலமடைந்தவர். மேலும் இணையதளத்தில் “fun Bucket” என்ற யூடியூப் சேனல் ஒன்றையும் நடத்தி வருகிறார். தற்போது பார்கவ் விசாகப்பட்டினம் மாவட்டத்தில் உள்ள சினகிரி காலனியில் வசித்து வருகிறார்.
இந்நிலையில் அதே காலனியை சேர்ந்த 14 வயது சிறுமி ஒருவர் சகோதரன் என்ற முறையில் பார்கவிடம் பழகி வந்துள்ளார். இதனை தவறாக பயன்படுத்தி பார்கவ் அந்த சிறுமியின் புகைப்படங்கள் மற்றும் வீடியோக்களை இணையதளத்தில் பரப்புவதாக மிரட்டி சிறுமியை பாலியல் பலாத்காரம் செய்துள்ளார்.
இதனால் சிறுமி தற்போது 4 மாத கர்ப்பமாக உள்ளார். இதனையறிந்து அதிர்ச்சியடைந்த குடும்பத்தினர், கடந்த 16ம் தேதி அன்று பார்கவ் மீது பெண்டூர்த்தி காவல் நிலையத்தில் புகார் அளித்துள்ளனர். இதனைத்தொடர்ந்து விசாகப்பட்டினம் காவல்துறையினர் பார்கவை போக்ஸோ சட்டத்தின்கீழ் கைது செய்து சிறையில் அடைத்துள்ளனர்