வங்காளதேசத்தில் கொரோனாவால் பாதிக்கப்பட்டவர்களின் எண்ணிக்கை 3 லட்சத்தை நெருங்கியுள்ளதால் மக்கள் அச்சமடைந்துள்ளனர்.
சீனாவில் தோன்றிய கொரோனா தொற்று, தற்போது உலக நாடுகள் முழுவதிலும் பரவி ஏராளமான உயிர் பலிகளை வாங்கிக் கொண்டிருக்கிறது. அதில் பல்வேறு நாடுகள் கொரோனாவால் அதிகம் பாதிக்கப்பட்டுள்ளன. உலக அளவில் கொரோனா பாதிக்கப்பட்ட நாடுகளின் பட்டியலில் வங்காளதேசம் 15வது இடத்தில் இருக்கின்றது. அங்கு நாளுக்கு நாள் கொரோனா பாதிப்பு அதிகரித்து கொண்டே வருகிறது. அந்நாட்டின் கொரோனாவால் பாதிக்கப்பட்டவர்களின் எண்ணிக்கை 2.94 இலட்சத்தை எட்டியுள்ளது.
இந்த நிலையில் வங்காளதேசத்தில் ஒரே நாளில் மட்டும் 1,973 பேருக்கு கொரோனா பாதிப்பு உறுதிப்படுத்தப்பட்டதால், மொத்தமாக பாதிக்கப்பட்டவர்களின் எண்ணிக்கை 2,94,598 ஆக உயர்ந்துள்ளது. மேலும் ஒரே நாளில் 34 பேர் உயிரிழந்ததை அடுத்து, மொத்த உயிரிழப்பு எண்ணிக்கை 3,941 ஆக அதிகரித்துள்ளது. கொரோனாவால் பாதிக்கப்பட்டு 1.79 லட்சத்திற்கும் மேற்பட்டோர் குணமடைந்து வீடு திரும்பியுள்ளதாக அந்நாட்டு சுகாதார துறை கூறியுள்ளது.