ஈரோடு மாவட்டத்தில் உள்ள அம்மாபேட்டையில் ஒரு பசு மாடு இரண்டு கன்று குட்டிகளை ஈன்றது.
ஈரோடு மாவட்டத்தில் உள்ள அம்மாபேட்டை அடுத்த சிங்கம்பேட்டை அருகில் மொண்டியபாளையத்தில் வசித்து வருபவர் விவசாயி முத்துசாமி என்ற மணி. இவருடைய வீட்டின் அருகில் இருக்கின்ற பண்ணையில் பத்து சிந்து இன பசுமாடுகளை வளர்த்து வருகின்றார். அதில் ஒரு பசுமாடு சினையாக இருந்தது. அந்த பசு மாடு நேற்று முன்தினம் இரவு இரண்டு கன்றுக்குட்டிகளை போட்டது. அதில் ஒரு ஆண் கன்று குட்டி, இன்னொன்று பெண் கன்று குட்டி.
இது குறித்து முத்துசாமி கூறியதாவது, நாங்கள் கடந்த 15 வருடங்களுக்கு மேலாக பசுமாடுகளை வளர்த்து வருகின்றோம். ஆனால் இதுவரை எந்த பசு மாடும் இரண்டு கன்று குட்டி போட்டது இல்லை. தற்சமயம் இந்த பசுமாடு தான் 2 கன்று குட்டிகளை போட்டுள்ளது என்று கூறினார். இந்த கன்றுக்குட்டிகளை சுற்றுவட்டாரத்தில் உள்ள பொதுமக்கள் ஆர்வத்துடன் பார்த்து சென்றனர்.