நடிகர் நரேனுக்கு 14 ஆண்டுகள் கழித்து ஆண் குழந்தை பிறந்துள்ளது.
மலையாள நடிகரான நரேன், கடந்த 2006 ஆம் ஆண்டு மிஷ்கின் இயக்கத்தில் வெளியான “சித்திரம் பேசுதடி” திரைப்படத்தின் மூலம் தமிழ் திரையுலகில் எண்ட்ரி கொடுத்தார். இதனை அடுத்து அஞ்சாதே, முகமூடி, பள்ளிக்கூடம், கைதி மற்றும் விக்ரம் போன்ற படங்களில் நடித்துள்ளார். பின்னர் சில ஆண்டுகள் தமிழ் படங்களில் நடிக்காமல் மலையாள படங்களில் மட்டும் கவனம் செலுத்தி வந்தார். இவர் “கத்துக்குட்டி” படம் மூலம் மீண்டும் தமிழ் திரையுலகில் ரீ-எண்ட்ரி கொடுத்தார். குறிப்பாக அவர் கைதி, விக்ரம் போன்ற படங்களில் நடித்தது அதிகம் ரசிகர்களை ஈர்த்தது.
இதனை தொடர்ந்து இயக்குனர் லோகேஷ் இயக்கும் படங்களில் எல்லாம் இவர் இருப்பார் என்று ரசிகர்கள் எல்லோரும் எதிர்பார்க்கின்றனர். நடிகர் நரேனின் மனைவி இரண்டாம் முறையாக கர்ப்பமாக உள்ளார். இந்நிலையில் நேற்று அவருக்கு பிரசவத்தில் ஆண் குழந்தை பிறந்துள்ளது. இவருக்கு திருமணமாகி 15 வருடங்கள் கழித்து தான் இரண்டாம் குழந்தை பிறந்துள்ளது. ஏற்கனவே நரேனுக்கு 14 வயதில் ஒரு மகள் இருக்கிறார் என்பது குறிப்பிடத்தக்கது.