ஜீப் 150 அடி ஆழ பள்ளத்தில் கவிழ்ந்த விபத்தில் விவசாயி பலியான சம்பவம் சோகத்தை ஏற்படுத்தியுள்ளது.
திண்டுக்கல் மாவட்டத்தில் உள்ள அசன்கொடை கிராமத்தில் குப்புசாமி என்பவர் வசித்து வருகிறார். இவருக்கு விவசாயியான அபிராமன்(28) என்ற மகன் இருந்துள்ளார். இவர் தனது தோட்டத்தில் பேஷன் புரூட் மற்றும் காய்கறிகளை சாகுபடி செய்துள்ளார். இந்த பழங்கள் மற்றும் காய்கறிகளை அபிராமன் ஜீப்பில் ஏற்றி தாண்டிக்குடியில் இருக்கும் கமிஷன் மண்டி கடைக்கு கொண்டு செல்வது வழக்கம். நேற்று முன்தினம் இரவு நேரத்தில் வழக்கம் போல அபிராமன் பழங்கள் மற்றும் காய்கறிகளை ஜீப்பில் ஏற்றிக்கொண்டு தாண்டிக்குட்டி நோக்கி புறப்பட்டார். இந்த ஜீப்பை ஈஸ்வரன் என்பவர் ஒட்டி சென்றுள்ளார்.
மேலும் ஜீப்பில் அதே பகுதியில் வசிக்கும் 7 விவசாயிகளும் சென்றுள்ளனர். இதனையடுத்து அபிராமன் உட்பட விவசாயிகள் தங்களது விளைபொருட்களை விற்பனை செய்த பிறகு மீண்டும் ஜீப்பில் அசன்கொடை நோக்கி வந்து கொண்டிருந்தனர். இவர்கள் அழிஞ்சிஓடை மலை பாதையில் சென்று கொண்டிருந்தபோது கட்டுப்பாட்டை இழந்த ஜீப் 150 அடி ஆழ பள்ளத்தில் கவிழ்ந்து விபத்துக்குள்ளானது. இந்த விபத்தில் அபிராமன் சம்பவ இடத்திலேயே பரிதாபமாக உயிரிழந்தார். இதனையடுத்த ஈஸ்வரன், விவசாயிகளான பன்னீர்செல்வம், ரவிச்சந்திரன், சேகர் உட்பட 8 பேரும் படுகாயம் அடைந்தனர்.
நள்ளிரவு நேரம் என்பதால் ரவிச்சந்திரன் உறவினர்களுக்கு செல்போன் மூலம் தகவல் தெரிவித்தார். அந்த தகவலின் படி கிராமம் மக்கள் சம்பவ இடத்திற்கு சென்று காயம் அடைந்தவர்களை மீட்டு மருத்துவமனைக்கு சிகிச்சைக்காக அனுப்பி வைத்தனர். அவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்து தகவல் அறிந்த போலீசார் சம்பவ இடத்திற்கு சென்று அபிராமனின் உடலை மீட்டு அரசு மருத்துவமனைக்கு பிரத பரிசோதனைக்காக அனுப்பி வைத்தனர். இந்த விபத்து குறித்து வழக்குபதிவு செய்த போலீசார் விசாரணை நடத்தி வருகின்றனர்.