வேளாங்கண்ணி அருகே 16 வயது சிறுமியை அழைத்துச் சென்று பாலியல் தொல்லை கொடுத்த சிறுவனை போலீசார் கைது செய்துள்ளனர்.
வேளாங்கண்ணி அருகே உள்ள பகுதியில் 16 வயது சிறுமியை காணவில்லை என்று அந்த சிறுமியின் பெற்றோர் கடந்த ஐந்தாம் தேதி காவல் நிலையத்தில் புகார் அளித்துள்ளனர். புகாரின்பேரில் வழக்குப்பதிவு செய்த வேளாங்கண்ணி போலீசார் விசாரணை நடத்திக் கொண்டிருந்தனர்.இந்நிலையில் நேற்று முன்தினம் நாகை பேருந்து நிலையத்தில் காணாமல் போன சிறுமியுடன் 17 வயது சிறுவன் ஒருவன் பேசிக்கொண்டிருப்பதை வேளாங்கண்ணி போலீசார் பார்த்தனர்.
அதன் பிறகு அவர்களை பிடித்து விசாரணை நடத்தியதில், அந்த சிறுவனும் சிறுமியும் பழகி வந்ததாகவும்,சிறுமியை அழைத்துச் சென்ற சிறுவன் பாலியல் தொல்லை கொடுத்ததாகவும் தெரியவந்துள்ளது.இதனையடுத்து அந்த சிறுவனை போக்சோ சட்டத்தின் கீழ் போலீசார் கைது செய்துள்ளனர்.