17 வயது பெண்ணை திருமணம் செய்த வாலிபரை காவல்துறையினர் கைது செய்துள்ளனர்.
திருநெல்வேலி மாவட்டத்தில் உள்ள வண்ணார்பேட்டை பகுதியில் மாடசாமி என்பவர் வசித்து வருகிறார். இவருக்கும் கடந்த மாதம் அதே பகுதியில் வசிக்கும் 17 வயது பெண்ணுக்கும் திருமணம் நடைபெற்றது. இதுகுறித்து சமூக நல அதிகாரிகளுக்கு புகார் சென்றது. அந்த புகாரின் பேரில் சமூக நல அதிகாரிகள் விசாரணை நடத்தினர். அந்த விசாரணையில் மாடசாமி 17 வயது பெண்ணை திருமணம் செய்தது உறுதியானது.
இதனையடுத்து சமூக நல விரிவாக்க அலுவலர் பார்வதி, மல்லிகா ஆகிய 2 பேரும் இதுகுறித்து அனைத்து மகளிர் காவல் நிலையத்தில் புகார் அளித்தனர். அந்த புகாரின் பேரில் வழக்கு பதிவு செய்த காவல்துறையினர் மாடசாமியை கைது செய்துள்ளனர். இதனையடுத்து காவல்துறையினர் 17 வயது பெண்ணை மீட்டு காப்பகத்தில் தங்க வைத்துள்ளனர்.