தெலுங்கானாவில் 18 வயது மாணவியை நண்பர்களுடன் சேர்ந்து கற்பழித்த சம்பவம் அரங்கேறியுள்ளது.
தெலுங்கானாவின் நிஜாமாபாத் பகுதியில் வசிப்பவர் 18 வயது மாணவி. இவர் தனது ஆண் நண்பர் ஒருவருடன் சேர்ந்து மது அருந்தியதாக தெரியவந்துள்ளது. போதை தலைக்கேறிய அந்த மாணவி நிலைகுலைந்து காணப்பட்டுள்ளார். இதனை பயன்படுத்திய அந்த மாணவியின் நண்பன் தனது நண்பர்கள் 3 பேரை அழைத்து அருகிலிருந்த கட்டுமான பணி நடக்கும் கட்டிடத்திற்கு தூக்கி சென்றுள்ளான்.
அங்கு சென்ற பிறகு மேலும் இரு நபர்களை அழைத்து மொத்தம் 6 பேர் சேர்ந்து அந்த மாணவியை கற்பழித்துள்ளனர். பின்னர் சற்று போதை மயக்கம் தெளிந்து அந்த மாணவி 1:50 அளவில் காவல் நிலையத்திற்கு போன் மூலம் தகவல் தெரிவித்துள்ளார். தொடர்ந்து அங்கு வந்த போலீசார் மாணவியை மீட்டு வழக்கு பதிவு செய்து சம்பவத்தில் ஈடுபட்ட குற்றவாளிகளை தேடி வருகின்றனர்.