ஐக்கிய அரபு அமீரகத்தில் வாகன விபத்தில் பலியான இந்தியாவை சேர்ந்த மாணவரின் புகைப்படம் வெளியிடப்பட்டுள்ளது.
அபுதாபியில் உள்ள Yas என்ற பகுதியில் கடந்த புதன்கிழமை அன்று வாகன விபத்தில் ஒரு இளைஞர் பலியானார். அவர் குறித்த எந்த தகவலும் தெரியாமல் இருந்தது. இந்நிலையில் அந்த இளைஞரின் பெயர் Ibad Ajmal என்று தெரியவந்துள்ளது. சம்பவத்தன்று இவர் தனியாக வாகனத்தை ஓட்டி வந்துள்ளார்.
அப்போது எதிர்பாராத விதமாக வாகனம், மரத்தில் மோதி விபத்து ஏற்பட்டுள்ளது. இதில் பலத்த காயங்களுடன் மீட்கப்பட்ட Ajmal மருத்துவமனைக்கு கொண்டு செல்லும் வழியிலேயே பரிதாபமாக உயிரிழந்துள்ளார். Ajmal, கேரளாவில் உள்ள Kannur மாவட்டத்தை சேர்ந்தவர். கடந்த மாதத்தில் தான் அங்கு சென்று பெற்றோரை பார்த்துவிட்டு மீண்டும் நாடு திரும்பியிருக்கிறார்.
இந்த மாணவருக்கு இறுதிச்சடங்கை கடந்த புதன் கிழமை அன்று, அபுதாபியில் இருக்கும் அவரது உறவினர்களும், நண்பர்களும் நடத்தினார்கள். மேலும், நாட்டில், இவ்வாறான விபத்துகளை தவிர்க்க, வாகனத்தில் இருக்கும் அனைவரும் சீட் பெல்ட் கட்டாயமாக போட வேண்டும் என்று வலியுறுத்தப்படுகிறது.
அதனைப்போட தவறுபவர்களுக்கு 400 திர்ஹாம் அபராதம் விதிக்கப்படுகிறது. மீண்டும் இதே போல் அதிகாரிகளிடம் மாட்டினால் ஓட்டுநர் உரிமம் ரத்து செய்யப்படும் என்று அறிவிக்கப்பட்டுள்ளது.