தற்போதைய காலகட்டத்தில் அனைவரும் செல்போன் பயன் படுத்தி வருகிறார்கள். தங்களின் அன்றாட வாழ்க்கையில் செல்போன் என்பது ஒரு இன்றியமையாத பொருளாக மாறிவிட்டது. அவ்வாறு செல்போன் பயன்படுத்தும் பயனாளர்கள் அனைவரும் தங்கள் வசதிக்கு ஏற்றவாறு பல்வேறு சிம் கார்டுகளை பயன்படுத்தி வருகின்றனர். அதன்படி சிம் கார்டு நிறுவனங்கள் அதிரடி சலுகைகளை வாடிக்கையாளர்களுக்கு வழங்கி வருகின்றன.
அதன்படி பி.எஸ்.என்.எல் நிறுவனம் பல அசர வைக்கும் திட்டங்களையும், சலுகைகளையும் அறிமுகம் செய்துவருகிறது. பி.எஸ்.என்.எல் ப்ரீபெய்ட் திட்டத்தில் சில மாற்றங்களை கொண்டு வந்துள்ளது, இது ரூ .365 க்கு பதிலாக ரூ.397யில் ஓராண்டிற்கான திட்டமாகும். பிஎஸ்என்எல்லின் ரூ. 397 ப்ரீபெய்ட் ரீசார்ஜ் திட்டம் ஓராண்டிற்கு வரம்பற்ற அழைப்புகள் மற்றும் 2 ஜிபி தினசரி டேட்டா 60 நாட்களுக்கு வழங்குகிறது, ரூ .365 திட்டத்தில் இலவச ரிங் டோன், ஒரு நாளைக்கு 100 இலவச எஸ்எம்எஸ் மற்றும் 2 ஜிபி தினசரி டேட்டா ஆகியவை வழங்கப்படுகின்றன.மேலும் பி.எஸ்.என்.எல் ரூ. 1999 ப்ரீபெய்ட் திட்டத்துடன் 3 ஜிபி தினசரி டேட்டா வரம்பற்ற அழைப்பு மற்றும் ஒரு நாளைக்கு 100 எஸ்எம்எஸ் 365 நாட்களுக்கு வழங்குகிறது.