சட்ட விரோதமாக வெளி மாநிலத்திற்கு 2 1/2 டன் ரேஷன் அரிசியை நடத்திய நபரை காவல்துறையினர் கைது செய்துள்ளனர்.
கிருஷ்ணகிரி மாவட்டத்தில் உள்ள கெலமங்கலம் மற்றும் அதனை சுற்றியுள்ள பகுதிகளில் இருந்து ரேஷன் அரிசியை வாங்கி வெளி மாநிலத்திற்கு கடத்துவதாக உணவு பொருள் கடத்தல் பிரிவு காவல்துறையினருக்கு தகவல் கிடைத்துள்ளது. அந்த தகவலின் படி காவல்துறையினர் அப்பகுதியில் தீவிர வாகன சோதனையில் ஈடுபட்டுள்ளனர். இந்நிலையில் காவல்துறையினர் அவ்வழியாக வேகமாக சென்ற சரக்கு வேனை நிறுத்தி சோதனை செய்த போது அதில் 2 1/2 டன் ரேஷன் அரிசி கடத்தியது தெரியவந்துள்ளது.
அதன்பின் காவல்துறையினர் சரக்கு வேன் டிரைவரிடம் நடத்திய விசாரணையில் அவர் செட்டிஅள்ளி பகுதியில் வசிக்கும் அஜித்குமார் என்பது தெரியவந்துள்ளது. மேலும் இதுகுறித்து வழக்குப்பதிவு செய்த காவல்துறையினர் அஜீத்குமாரை கைது செய்ததோடு, ரேஷன் அரிசி மற்றும் சரக்கு வேன் பறிமுதல் செய்து விசாரணை நடத்தி வருகின்றனர்.