2 இருசக்கர வாகனங்கள் நேருக்கு நேர் மோதி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள சிறுநாகலூர் கிராமத்தில் அஜித்குமார் என்பவர் வசித்து வந்துள்ளார். இவர் கொத்தனாராக வேலை பார்த்து வந்துள்ளார். இந்நிலையில் அஜீத்குமார் தனது நண்பரான அனில்குமார் என்பவருடன் இருசக்கர வாகனத்தில் நாவலூரில் அரசு விடுதியில் தங்கி படித்து வந்த தனது தங்கையை பார்த்து விட்டு மீண்டும் வீடு திரும்பி வந்து கொண்டிருக்கும் போது பிரபாகரன் என்பவர் ஓட்டி வந்த இருசக்கர வாகனமும் நேருக்கு நேர் மோதி விபத்து ஏற்பட்டுள்ளது.
இந்த விபத்தில் படுகாயமடைந்த அஜித்குமார் மற்றும் பிரபாகரன் அணில் குமார் ஆகிய 3 பேரையும் அருகில் இருந்தவர்கள் மீட்டு சிகிச்சைக்காக அரசு மருத்துவனைக்கு அனுப்பி வைத்துள்ளனர். ஆனால் மருத்துவமனைக்கு செல்லும் வழியிலேயே அஜித்குமார் பரிதாபமாக உயிரிழந்துள்ளனர். மேலும் இது குறித்து வழக்குபதிவு செய்த காவல்துறையினர் தீவிர விசாரணை நடத்தி வருகின்றனர்.