2 இருசக்கர வாகனங்கள் நேருக்கு நேர் மோதி 4 பேர் காயமடைந்துள்ளனர்.
கரூர் மாவட்டத்தில் உள்ள மூலிமங்கலம் கிழக்குத் தெருவில் ரவி என்பவர் வசித்து வருகிறார். இவர் காகித ஆலையில் ஒப்பந்த கூலித் தொழிலாளியாக பணிபுரிந்து வருகிறார். இந்நிலையில் ரவி மற்றும் அவரது மனைவியும் புன்னம்சத்திரம் காகித ஆலை சாலையில் வந்து கொண்டிருக்கும் போது எதிரே வந்த மற்றொரு இருசக்கர வாகனம் நேருக்கு நேர் மோதி விபத்து ஏற்பட்டுள்ளது.
இந்த விபத்தில் இருசக்கர வாகனத்தில் இருந்து கீழே விழுந்த ரவி, செல்வராஜ் மற்றும் குமரகுருபரன் ஆகிய 3 பேரும் படுகாயம் அடைந்துள்ளனர். மேலும் ரவியின் மனைவி லேசான காயம் அடைந்துள்ளனர். இதனையடுத்து காயமடைந்த 3 பேரையும் அருகில் இருந்தவர்கள் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து ரவி அளித்த புகாரின் பேரில் குமரகுருபரன் மீது காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.