செம்மரம் கடத்தல் வழக்கில் சசிகலாவின் உறவினர் ஒருவரை காவல்துறையினர் கைது செய்துள்ளனர்.
சசிகலாவின் உறவினரான இளவரசி என்பவரின் மகன் விவேக். இவர் ஜெயா தொலைக்காட்சியில் நிர்வாக இயக்குனராக இருக்கிறார். அவருடைய மாமனார் பாஸ்கரன்(55). இவர் அண்ணா நகர் மேற்கு பகுதியில் தனது குடும்பத்தோடு வசித்து வருகிறார். இவர் மீது பல்வேறு வழக்குகள் இருக்கின்றன. குறிப்பாக செம்மரங்களை வெட்டி வெளிநாடுகளுக்கு ஏற்றுமதி செய்த வழக்கு பாஸ்கரன் மீது உள்ளது. மேலும் புலனாய்வுப் பிரிவினர்இவர் மீது வழக்குகள் பதிவு செய்துள்ளனர்.
வெளிநாடுகளுக்கு செம்மரத்தை வெட்டி கடத்தியதாக இரண்டு வருடங்களுக்கு முன்பு பாஸ்கரன் மீது பதிவு செய்த வழக்கின் விசாரணைக்காக ஆந்திர அதிரடிப்படை காவல் துறையினர் கைது செய்ய முடிவு செய்துள்ளனர். இதையடுத்து பாஸ்கரன் வீட்டிற்கு சென்ற காவல்துறையினர் அவரை கைது செய்வதற்கான வாரண்டினை காட்டி கைது செய்து, அண்ணாநகர் காவல் நிலையத்தில் தகவல் கொடுத்துவிட்டு பாஸ்கரனை அழைத்து சென்றுள்ளனர்.