தமிழகத்தில் கடந்த 2015-ஆம் ஆண்டு முதல் 2018-ஆம் ஆண்டு வரை தமிழ் வழியில் படித்த 1,205 மாணவர்கள் மருத்துவக் கல்லூரிகளில் சேர்ந்து உள்ளதாக மருத்துவ கல்வி இயக்குனரகம் தெரிவித்துள்ளது.
தமிழகத்தில் 2015 முதல் 2018 ஆம் ஆண்டு வரை தமிழ் வழி படிப்பை முடித்த மாணவர்கள் எத்தனை பேர் மருத்துவக் கல்லூரிகளில் சேர்ந்துள்ளனர் என்று தகவல் அறியும் உரிமை சட்டத்தின்கீழ் எழுப்பப்பட்ட கேள்விக்கு மருத்துவ கல்வி இயக்குனரகம் பதிலளித்துள்ளது. 2015 ஆம் ஆண்டு 510 பேரும். 2016 ஆம் ஆண்டு 537 பேரும் சேர்ந்து உள்ளதாக தெரிவித்துள்ள மருத்துவ கல்வி இயக்குனரகம் நீட்தேர்வு கொண்டுவரப்பட்ட பின்னர் 2017 ஆம் ஆண்டு 52 பேரும் 2018 ஆம் ஆண்டு 106 பேர் தமிழ் வழியில் பள்ளிப்படிப்பை முடித்து மருத்துவ படிப்புகளில் சேர்ந்து உள்ளதாக தெரிவிக்கப்பட்டுள்ளது.