உலகம் முழுவதும் 2023-ம் ஆண்டை வரவேற்க பொதுமக்கள் தயாராகி விட்டனர். இன்றோடு 2022-ம் ஆண்டு முடிவடையும் நிலையில், நாளை புது வருடம் பிறக்கிறது. நியூசிலாந்து மற்றும் ஆஸ்திரேலியா போன்ற நாடுகளில் ஏற்கனவே புத்தாண்டு பிறந்து விட்டது. இதனால் புது வருட கொண்டாட்டத்தை மக்கள் கொண்டாடி வருகிறார்கள். இந்நிலையில் 2022-ம் ஆண்டு முடிவடைய போவதால் இந்த வருடத்தில் நடந்த பல முக்கிய நிகழ்வுகள் தொடர்பான செய்திகள் அடுத்தடுத்து வெளியாகி கொண்டு இருக்கிறது.
அந்த வகையில் விளையாட்டுத்துறையில் குறிப்பாக இந்திய அணியில் 2022-ம் ஆண்டில் சிறப்பாக விளையாடிய வீரர்களின் பட்டியலை பிசிசிஐ வெளியிட்டுள்ளது. அதன்படி டெஸ்ட் போட்டியில் பேட்டிங்கில் ரிஷப் பண்டும், பவுலிங் பும்ராவும் சிறப்பாக விளையாடியுள்ளனர். அதன் பிறகு ஒருநாள் போட்டியில் பேட்டிங்கில் ஸ்ரேயஸ் ஐயரும், பவுலிங்கில் சிராஜும் சிறப்பான முறையில் விளையாடியுள்ளனர். மேலும் டி20 போட்டியில் பேட்டிங்கில் சூரியகுமார் யாதவும், பவுலிங்கில் புவனேஷ் குமாரும் சிறப்பான முறையில் விளையாடியுள்ளனர்.