தமிழ் சினிமாவில் வருடம் தோறும் 100-க்கும் மேற்பட்ட திரைப்படங்கள் ரிலீஸ் ஆனாலும் ஒரு சில படங்கள் மட்டும் தான் மக்கள் மனதை வென்று வெற்றி பெறுகிறது. அதன் பிறகு பெரிய ஹீரோக்களின் படங்கள் என்றால் மக்கள் மத்தியில் படம் ரிலீஸ் ஆவதற்கு முன்பாகவே எதிர்பார்ப்பு அதிக அளவில் இருக்கும். ஆனால் சில சமயங்களில் முன்னணி ஹீரோக்களின் படங்கள் கூட மக்கள் மனதை கவராமல் தோல்வியை சந்தித்து விடும்.
இந்நிலையில் 2022-ம் ஆண்டில் தோல்வியை சந்தித்த முன்னணி ஹீரோக்களின் படங்கள் குறித்து தற்போது பார்க்கலாம். அதன்படி அஜய் ஞானமுத்து இயக்கத்தில் விக்ரம் நடிப்பில் வெளியான கோப்ரா திரைப்படம் பெரும் எதிர்பார்ப்புக்கு மத்தியில் வெளியான நிலையில் ரசிகர்களை பெரிய அளவில் கவராமல் தோல்வியை தழுவியது. அதன் பிறகு சிவகார்த்திகேயன் நடிப்பில் அனுதீப் இயக்கத்தில் வெளியான பிரின்ஸ் திரைப்படமும் எதிர்பார்ப்புகளுக்கு மத்தியில் ரிலீஸ் ஆகி கலவையான விமர்சனங்களை பெற்று தோல்வியை தழுவியது.
இதனையடுத்து துல்கர் சல்மான் நடிப்பில் பிருந்தா இயக்கத்தில் வெளியான ஹே சினாமிகா படம், சக்தி சௌந்தரராஜன் இயக்கத்தில் ஆர்யா நடிப்பில் வெளியான கேப்டன் படம், விஷால் நடிப்பில் பா. சரவணன் இயக்கத்தில் வெளியான வீரமே வாகை சூடும் படம் போன்றவைகளும் ரசிகர்களை பெரிய அளவில் கவராமல் தோல்வியை தழுவியது. மேலும் சூர்யா நடிப்பில் பாண்டிராஜ் இயக்கத்தில் வெளியான எதற்கும் துணிந்தவன் திரைப்படமும் ரசிகர்களை பெரிய அளவில் கவராமல் கலவையான விமர்சனங்களை பெற்று தோல்வியை தழுவியது.