விஜயுடன் 23 வருடங்களுக்குப் பிறகு குஷ்பூ இணைய உள்ளதாக தகவல் வெளியாகியுள்ளது.
வம்சி இயக்கத்தில் விஜய் நடிக்கும் தளபதி 66 படத்தின் தலைப்பு மற்றும் பர்ஸ்ட் லுக் போஸ்டர் அண்மையில் வெளியானது. இந்த படத்திற்கு ‘வாரிசு’ என தலைப்பு வைக்கப்பட்டுள்ளது. இந்த படத்தில் விஜய்க்கு ஜோடியாக ராஷ்மிகா மந்தனா நடிக்கிறார். சரத்குமார், பிரகாஷ்ராஜ், ஷியாம் உள்ளிட்டோர் முக்கிய கதாபாத்திரங்களில் நடித்துள்ளனர். இந்தப் படத்திற்கு தமன் இசையமைக்கிறார். தமிழ், தெலுங்கு என இரு மொழிகளில் உருவாகி வரும் இந்த படம் 2023 ஆம் ஆண்டு பொங்கலுக்கு வெளியாக உள்ளது என்று கூறப்பட்டுள்ளது. இந்த படத்தை ஸ்ரீ வெங்கடேஸ்வரா கிரியேசன்ஸ் தயாரிக்கின்றது.
அண்மையில் வெளியான படத்தின் போஸ்டர் ரசிகர்களிடையே நல்ல வரவேற்பு பெற்றது. அதிலும் விஜய் அமர்ந்திருக்கும் போஸ்டரில் உள்ள பைக்கானது ரசிகர்களை மிகவும் கவர்ந்தது. இந்த நிலையில் படத்தில் குஷ்பு நடிக்க இருப்பதாக தகவல் வெளியாகி இருக்கிறது. அண்மையில் விஜய்யின் பிறந்தநாளை முன்னிட்டு வாரிசு திரைப்படத்தின் படப்பிடிப்பு தளத்தில் விஜய் உடன் எடுத்துக் கொண்ட புகைப்படத்தை பதிவிட்டு வாழ்த்துக்களை தெரிவித்து இருந்தார் குஷ்பூ. இதனால் வாரிசு திரைப்படத்தில் குஷ்பு நடிக்க இருப்பதாக பேசப்பட்டு வருகின்றது. இருபத்தி மூன்று வருடங்களுக்குப் பிறகு வாரிசு திரைப்படத்தின் மூலம் விஜய்யுடன் இணைகிறார் குஷ்பு என்பது குறிப்பிடத்தக்கது.