பிரபல நடிகர் பல வருடங்களுக்கு பிறகு மீண்டும் படம் இயக்கப் போவதாக அறிவித்துள்ளார்.
ஹாலிவுட் சினிமாவில் பிரபலமான நடிகராக வலம் வரும் ஜானி டெப் பைரேட்ஸ் ஆஃப் தி கரீபியன் என்ற திரைப்படத்தின் மூலமாக உலகம் முழுவதும் புகழ்பெற்றார். இவர் கடந்த 2015 ஆம் ஆண்டு பிரபல நடிகை ஆம்பர் ஹெர்ட்டை காதலித்து திருமணம் செய்து கொண்டார். ஆனால் கருத்து வேறுபாடு காரணமாக ஜானி டெப் மற்றும் ஆம்பர் ஹெர்ட் இருவரும் பிரிந்தனர். இந்நிலையில் ஆம்பர் ஹெர்ட் குடும்ப வாழ்க்கையில் தன்னை ஜானி டெப் மிகவும் கொடுமைப்படுத்தியதாக நீதிமன்றத்தில் வழக்கு தொடர்ந்தார். இந்த வழக்கை விசாரித்த நீதிபதி ஜானி டெப்புக்கு ஆதரவாக தீர்ப்பு வழங்கினார்.
இதனால் மகிழ்ச்சியில் இருக்கும் ஜானி டெப் ஒரு முக்கிய அறிவிப்பை வெளியிட்டுள்ளார். இவர் கடந்த 1997-ம் ஆண்டு தி பிரேவ் என்ற திரைப்படத்தை இயக்கியிருந்தார். இந்த படம் எடுத்து 25 ஆண்டுகள் நிறைவடைந்த நிலையில், இத்தாலி நாட்டின் பிரபலமான ஓவியரான அமெடியா மோக்டிலியானின் வாழ்க்கை வரலாறை படமாக எடுப்பதாக அறிவித்துள்ளார். இந்த அறிவிப்பால் ஜானி டெப் ரசிகர்கள் மிகுந்த மகிழ்ச்சியில் இருக்கின்றனர்.
