டிரைக்டர் அட்லீ இயக்கத்தில் ஷாருக்கான் கதாநாயகனாக நடிக்கும் படம்”ஜவான்”. இவற்றில் ஷாருக்கானுக்கு ஜோடியாக நயன்தாரா நடிக்கிறார். இந்தி, தமிழ், தெலுங்கு, மலையாளம் மற்றும் கன்னடம் ஆகிய மொழிகளில் வெளியாகவுள்ள இப்படத்தை ரெட் சில்லிஸ் என்டர்டெயின்மென்ட் சார்பில் கௌரிகான் தயாரிக்கிறார். இந்த படத்திற்கு அனிருத் இசையமைக்கிறார். இத்திரைப்படம் 2023ம் வருடம் திரையரங்குகளில் வெளியாக இருக்கிறது.
இந்த படத்தின் படப்பிடிப்பு பணிகள் மும்முரமாக நடந்து வருகிறது. இப்படத்தின் படப்பிடிப்பு சென்னை அருகில் பிரம்மாண்ட செட் அமைத்து நடைபெற்று வருவதாக கூறப்படுகிறது. இந்த நிலையில் ஜவான் திரைப்படத்தில் 200 முதல் 250 பெண்கள் வரை பங்குபெறும் சண்டைக் காட்சி உருவாக உள்ளதாகவும், இதற்கென மும்பையிலிருந்து அவர்கள் சென்னைவர இருப்பதாகவும் தகவல் வெளியாகியுள்ளது. 7 நாட்கள் இச்சண்டைக் காட்சி படமாக்கப்பட உள்ளதாகவும் தகவல் வெளியாகி இருக்கிறது.
