தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் அரசியல் கட்சியினர் மக்களிடம் நேரடி பிரச்சாரத்தில் இறங்கியுள்ளனர்.
இந்நிலையில் தேர்தல் பிரச்சாரத்தில் பேசிய அமைச்சர் செல்லூர் ராஜூ, கடந்த 10 வருடங்களில் 28 விருதுகள் வாங்கியிருக்கிறேன். அதுவும் தேசிய அளவில் வாங்கி இருக்கிறேன். இரண்டு முறை ஜனாதிபதி விருதை நேரில் சென்று நானே வாங்கி இருக்கிறேன். அப்படி என்றால் நான் கூட்டுறவுத்துறையை எப்படி நடத்தி இருப்பேன் பாருங்கள் ? என்று பேசி வாக்கு சேகரித்துள்ளார்.