NIA , உபா சட்டத்தின் கீழ் ஜம்முவில் உள்ள பிரிவினைவாதி மற்றும் பயங்கவாதிகளின் ஆதரவாளர்களை கைது செய்ய நடவடிக்கை எடுக்க இருப்பதாக தகவல் வெளியாகியுள்ளது.
கடந்த சில நாட்களாக ஜம்முவில் நடப்பது இந்தியா முழுவதும் ஒரு பரபரப்பை ஏற்படுத்தியுள்ளது. அங்குள்ள அமர்நாத் பாதயாத்திரை பக்தர்கள் மீது பயங்கரவாதிகள் தாக்குதல் நடத்தப்படலாம் என்று உளவுத்துறை எச்சரிக்கை விடுத்ததை தொடர்ந்து அங்குள்ள 28,000-க்கும் அதிகமான இராணுவ வீரர்கள் குவிக்கப்பட்டு வருகின்றனர். இதனால் நிலவும் அசாதாரண சூழலை தொடர்ந்து அமர்நாத் பாதயாத்திரை மேற்கொள்ளுபவர்களை யாத்திரையை நிறுத்திவிட்டு வீடிற்கு செல்ல அறிவுறுத்தப்பட்டுள்ளது.
மேலும் ஜம்முவில் இராணுவம் மற்றும் விமானப்படை தயார் நிலையில் இருந்து வருகின்றது. மேலும் அங்குள்ள பள்ளிகளில் முன்கூட்டியே விடுமுறை விடப்பட்டுள்ளது.மாணவர்களுக்கு ஏதேனும் அசம்பாவிதங்கள் நடந்து விடக்கூடாது என்பதற்க்காக சில கல்லூரிகள் மற்றும் பல்கலைக் கழகங்களில் தங்கி படிக்கும் வெளியூர் மாணவர்கள் உடனே விடுதியை விட்டு வெளியேற வேண்டும் என்று கல்லூரி நிர்வாகம் உத்தரவிட்டுள்ளது.அதே போல மறு உத்தரவு வரும் வரை யாரும் கல்லூரிக்கு வர வேண்டும் என்றும் தெரிவிக்கப்பட்டுள்ளது.
ஜம்முவில் தொடர்ந்து இராணுவம் மேற்கொண்டு வரும் அதிரடி நடவடிக்கை குறித்து எந்த தகவலும் தெரிவிக்கப்படாத நிலையில் அம்மாநில முன்னாள் முதலவர் அனைவரும் மத்திய அரசு ஜம்முவில் என்ன செய்ய போகின்றது என்று எதிர்பார்த்துக் கொண்டு இருக்கின்றனர். அதே நேரத்தில் பல்வேறு வதந்திகளும் எழுந்து வருகின்றது. காஸ்ஷ்மீர் சிறப்பு சட்டத்தை இரத்து செய்ய போவதாகவும் , காஷ்மீரை 3 மாநிலமாக பிரிக்க போவதாகவும் பல்வேறு செய்திகள் வந்து கொண்டே இருக்கின்றது.இதனால் யாரும் வதந்தியை பரப்ப வேண்டாம் என்று காஷ்மீர் ஆளுநர் தெரிவித்துள்ளார்.
அதே வேளையில் தீவிரவாதிகள் அதிகமாக ஊடுருவும் பணிக் காலம் தொடங்க இன்னும் இரண்டு மூன்று மாதங்கள் இருக்கும் சூழலில் அதை தடுப்பதற்காகவும் ராணுவம் குவிக்கப்பட்டுள்ளதாக சொல்லப்படடாலும் முக்கியமான விஷயமாக பார்க்கப்படுவதும் மத்திய அரசு சமீபத்தில் கொண்டு வந்த என்.ஐ.ஏ மற்றும் உபா சட்டத்தின் மூலம் ஜம்மு காஷ்மீரில் பிரிவினைவாதிகளும் , தீவிரவாதிகளுக்கு ஆதரவாக இருக்கக்கூடியவர்களை ஒரே நாளில் மொத்தமாக கைது செய்யப்படலாம் என்ற தகவலும் எழுந்துள்ளது.காஷ்மீரில் மத்திய அரசு இப்படி கைது நடவடிக்கையில் ஈடுபட்டால் அங்கு பெரிய அளவில் வன்முறை ஏற்படும்.
எனவே இந்த வன்முறை தடுப்பதற்கு அனைத்தையும் பாதுகாப்பு வளையத்துக்குள் கொண்டுவர ராணுவ குவிப்பு இருக்கலாம் என்று தகவல் வெளியாகி வருகின்றது. என்ன இருந்தாலும் பல்வேறு யூகத்தின் அடிப்படையில் எழும் அனைத்து சந்தேகத்திற்கும் வரும் திங்கட்கிழமை நாடாளுமன்றத்தில் இது தொடர்பான எழும் விவாதங்களில் ஜம்மு குறித்த முழு விவரம் தெரியவரும் என்று எதிர்பார்க்கப்படுகின்றது.