பழைய வண்ணாரப்பேட்டை திரைப்படத்தின் வாயிலாக தமிழ் திரையுலகிற்கு இயக்குனராக அறிமுகமானவர் தான் மோகன் ஜி. இதையடுத்து இவர் இயக்கிய திரெளபதி, ருத்ரதாண்டவம் போன்ற படங்கள் வரவேற்பை பெற்றதோடு சில சர்ச்சைகளையும் கிளப்பியது. இந்த படங்களை அடுத்து இவர் இயக்கியுள்ள “பகாசூரன்” படத்தில் இயக்குனர் செல்வராகவன் கதையின் நாயகனாகவும், நட்டி நட்ராஜ், ராதாரவி போன்றோர் முக்கியமான கதாப்பாத்திரத்திலும் நடித்திருக்கின்றனர்.
இப்படத்திற்கு சாம்.சிஎஸ் இசை அமைக்கிறார். பகாசூரன் திரைப்படத்தின் சூட்டிங் முடிவடைந்து பின்னணி பணிகள் மும்முரமாக நடந்து வருகிறது. அண்மையில் இந்த படத்தின் டிரைலர் வெளியாகி கவனம் ஈர்த்தது. இந்த நிலையில் இப்படத்தின் டிரைலர் 2 மில்லியன் பார்வையாளர்களை கடந்திருக்கிறது. இதன் போஸ்டரை இயக்குனர் செல்வராகவன் தன் சமூகவலைதளப்பக்கத்தில் பகிர்ந்துள்ளார்.
🤓🤓🙏🏼🙏🏼🙏🏼🙏🏼 https://t.co/VfUEBGVtET
— selvaraghavan (@selvaraghavan) December 10, 2022