தமிழகத்தில் தங்கத்தின் விலை கடந்த சில நாட்களாக உயர்ந்து கொண்டே வந்தது. அதனால் நகை பிரியர்கள் அதிர்ச்சி அடைந்தனர். இந்நிலையில் கடந்த இரண்டு நாட்களாக தங்கத்தின் விலை தொடர்ந்து குறைந்து கொண்டு வந்த நிலையில் இன்று மூன்றாவது நாளாக தங்கத்தின் விலை மேலும் குறைந்துள்ளது. அதனால் வாடிக்கையாளர்கள் மகிழ்ச்சி அடைந்துள்ளனர்.
இன்று 22 கேரட் ஆபரணத் தங்கத்தின் விலை சவரனுக்கு ரூ.88 குறைந்துள்ளது. இதனையடுத்து ஒரு சவரன் ஆபரணத் தங்கம் ரூ.38,704-க்கு விற்பனை செய்யப்படுகிறது. 22 கேரட் ஆபரணத் தங்கத்தின் விலை கிராமுக்கு ரூ.11 குறைந்துள்ளது. இதனையடுத்து ஒரு கிராம் ஆபரணத் தங்கம் ரூ.4,838க்கு விற்பனை ஆகிறது. மேலும் வெள்ளியின் விலை 90 காசுகள் குறைந்து, ஒரு கிராம் ரூ.62.40-க்கும், 1 கிலோ வெள்ளி ரூ.62,400-க்கும் விற்பனை செய்யப்படுகிறது.