சென்னை எழும்பூர் -விழுப்புரம் மார்க்கத்தில் மதுராந்தகம் யார்டில் பொறியியல் பணி நடைபெற உள்ளது. அதனால் வைகை, பல்லவன் உள்ளிட்ட மூன்று விரைவு ரயில் சேவையில் மாற்றம் செய்யப்படுவதாக சென்னை ரயில்வே கோட்டம் தெரிவித்துள்ளது. மதுரை -சென்னை எழும்பூருக்கு செப்டம்பர் 22, 29 ஆகிய தேதிகளில் காலை 7 மணிக்கு இயக்கப்படும் வைகை அதிவிரைவு ரயில் (02636) விழுப்புரம்-சென்னை எழும்பூர் இடையே பகுதி ரத்து செய்யப்பட உள்ளது.
சென்னை எழும்பூர் -காரைக்குடிக்கு செப்டம்பர் 22மற்றும் 29 ஆகிய தேதிகளில் பிற்பகல் 3. 45 மணிக்கு இயக்கப்படும் விரைவு ரயில் பகுதி ரத்து செய்யப்பட உள்ளது. இந்த ரயில் விழுப்புரத்தில் இருந்து மாலை 6.10 மணிக்கு புறப்படும். புதுச்சேரி-புது தில்லிக்கு செப்டம்பர் 22 மற்றும் 29 ஆகிய தேதிகளில் காலை 9.50 மணிக்கு புறப்படும் விரைவு ரயில் விழுப்புரம், காட்பாடி, பெரம்பூர் மற்றும் கூடூர் வழியாக மாற்றுப்பாதையில் இயக்கப்படும். இந்த ரயில் சென்னை எழும்பூர் நிலையத்தில் நிறுத்தப்படாது என்று அறிவிக்கப்பட்டுள்ளது.