டெல்லியில் மேலும் 310 பேருக்கு கொரோனா பாதிப்பு உறுதி செய்யப்பட்டுள்ளது. இதையடுத்து மொத்தம் பாதிக்கப்பட்டவர்களின் எண்ணிக்கை 7,233 ஆக உயர்ந்துள்ளது.
இதுவரை டெல்லியில் கொரோனாவுக்கு 73 பேர் மரணமடைந்துள்ளனர். இதையடுத்து, உயிரிழந்தவர்களின் மருத்துவ அறிக்கையை அளிக்க அனைத்து மருத்துவமனைகளுக்கும் டெல்லி அரசு உத்தரவிட்டுள்ளது. மேலும் அம்மாநிலத்தில் கொரோனா பாதித்த 6,923 பேரில், 2069 பேர் குணமடைந்துள்ளனர். நாடு முழுவதும் கொரோனா பரவல் தடுக்க ஊரடங்கு அமல்படுத்தப்பட்டு 48வது நாளாக அமலில் உள்ளது.
இந்தநிலையில், நாட்டில் கொரோனா பாதிப்பு நாளுக்கு நாள் அதிகரித்த வண்ணம் உள்ளன. அதன்படி இன்று இந்தியாவில் ஏற்பட்டுள்ள மொத்த பாதிப்புகளின் எண்ணிக்கை 67,152 ஆக அதிகரித்துள்ளது. மேலும் இதுவரை உயிரிழந்தோர் எண்ணிக்கை 2,206 ஆக உயர்ந்துள்ளது. இதுவரை கொரோனாவால் பாதிக்கப்பட்டு குணமடைந்தோர் எண்ணிக்கை 20,917 ஆக அதிகரித்துள்ளது.
அதிகபடச்சமாக, மகாராஷ்டிராவில் 22,171 பேரும், குஜராத்தில் 8,194 பேரும் கொரோனாவால் பாதிக்கப்பட்டுள்ளனர். இதையடுத்து டெல்லியில் தற்போது மேலும் 310 பேருக்கு கொரோனா பாதிப்பு உறுதியாகியுள்ளது. இதனால் அம்மாநிலத்தில் மொத்தம் பாதிக்கப்பட்டவர்களின் எண்ணிக்கை 7,233 ஆக அதிகரித்துள்ளது.