புதுக்கோட்டை மாவட்டம் நார்த்தாமலை அருகே பசுமலை பட்டி என்ற பகுதியில் காவல் துறைக்கு சொந்தமான துப்பாக்கி சுடும் பயிற்சி மையம் உள்ளது. அங்கு மத்திய பாதுகாப்பு துறையினர் பயிற்சி செய்யும் போது வெளியேறும் துப்பாக்கிக் குண்டுகள் சுமார் இரண்டரை கிலோ மீட்டர் தொலைவில் உள்ள பசுமலைப்பட்டி கிராமத்தில் அவ்வப்போது விழும் எனக் கூறப்படுகிறது . அந்த வகையில் கொத்தமங்கலம் பகுதியை சேர்ந்த 11 வயது சிறுவன் அரையாண்டு விடுமுறையில் உள்ள தனது பாட்டி வீட்டிற்கு வந்துள்ளார். வீட்டில் சிறுவன் சாப்பிட்டுக் கொண்டிருந்தபோது வீட்டின் கூரையை துளைத்துக் கொண்டு வந்த குண்டு சிறுவனின் தலையில் பாய்ந்தது.
இதில் ரத்த வெள்ளத்தில் சரிந்த சிறுவனை அங்கிருந்தவர்கள் அருகிலுள்ள புதுக்கோட்டை அரசு மருத்துவமனையில் அனுமதித்தனர். அங்கு சிறுவனை பரிசோதனை செய்த மருத்துவர்கள் துப்பாக்கி குண்டு சிறுவனின் மூளைக்குள் சென்று பக்கவாட்டில் இருப்பதாக கூறினர். இதையடுத்து அறுவை சிகிச்சை மூலம் அகற்ற தஞ்சாவூர் அரசு மருத்துவமனைக்கு அனுப்பி வைத்தனர். அங்கு நான்கு மணி நேர அறுவை சிகிச்சைக்குப் பின் துப்பாக்கி குண்டு வெற்றிகரமாக அகற்றம் செய்யப்பட்டுள்ளது.