சாலை ஓரமாக நிறுத்தப்பட்டிருந்த ராணுவ வாகனத்தில் வீரர்கள் மயக்க நிலையில் கிடந்த சம்பவம் அதிர்ச்சியை ஏற்படுத்தியுள்ளது.
சுவிஸ் நாட்டில் Simplon கணவாய்ப் பகுதி ஒன்றின் சாலையோரமாக ராணுவ வாகனம் ஒன்று நின்றுள்ளது. இதனை கவனித்த சக ராணுவ வீரர்கள் அருகில் சென்று பார்த்துள்ளனர். அந்த காருக்குள் 4 ராணுவ வீரர்கள் மயக்க நிலையில் இருந்துள்ளனர். இதனை கண்டதும் அதிர்ச்சி அடைந்த சக வீரர்கள் உடனே அவர்களை மீட்டு ஹெலிகாப்டர் மூலம் சிகிச்சைக்காக மருத்துவமனைக்கு அனுப்பி வைத்துள்ளனர்.
மேலும் இது குறித்து ஒரு ராணுவ உயர் ராணுவ அதிகாரி கூறும் போது “இரவு முழுவதும் குளிர் அதிகமாக இருந்ததால் காரை இயங்கும் நிலையிலேயே வைத்துவிட்டு காருக்குள் தூங்கி இருக்கின்றனர். அதனால் காருக்குள் கார்பன் மோனாக்சைடு பரவி அந்த 4 வீரர்களும் மயக்கம் ஏற்பட்டுள்ளது” என அவர் கூறியுள்ளார்.