ஐக்கிய அரபு அமீரக அதிபர் ஷேக் கலீஃபா பின் சையத் அலி நஹ்யான் நேற்று காலமானார்.
ஐக்கிய அரபு அமீரக அதிபர் ஷேக் கலீஃபா பின் சையத் அலி நஹ்யான் உடல் நலமின்றி நேற்று காலமானார். இவருக்கு வயது 74 ஆகிறது. இவருடைய மறைவுக்கு அந்நாட்டு அதிபர் விவகார துறை அமைச்சகம் இரங்கல் தெரிவித்துள்ளது. கடந்த 2004-ஆம் ஆண்டு முதல் ஐக்கிய அரபு அமீரக தலைவராக ஷேக் கலீஃபா பின் சையத் இருந்து வந்தார். உலகின் மிகப்பெரிய பணக்கார மன்னர்களில் இவரும் ஒருவர் ஆவார்.
ஐக்கிய அரபு அமீரக தலைவர் ஷேக் கலீஃபா பின் சையத் மறைவையடுத்து, அந்நாட்டில் 40 நாட்கள் துக்கம் அனுசரிக்கப்படுவதாக அறிவிக்கப்பட்டுள்ளது. இங்கு அமைச்சகங்கள், அரசுத் துறைகள், தனியார் நிறுவனங்கள் என அனைத்தும் மூன்று நாட்களுக்கு மூடப்பட்டிருக்கும் என்றும் அறிவிப்பு வெளியாகியுள்ளது.