சென்னை கே.கே நகரில் உள்ள #PSBB பள்ளி ஆசிரியர் மாணவிகளுக்கு பாலியல் தொல்லை கொடுத்ததாக புகார் எழுந்துள்ளது அதிர்ச்சியை ஏற்படுத்தியுள்ளது. இது குறித்து அதிகாரிகள் தீவிர விசாரணை நடத்தி வருகின்றனர். இந்நிலையில் பாலியல் சர்ச்சையில் சிக்கிய தனியார் பள்ளி ஆசிரியர் ராஜகோபாலன் பரபரப்பு வாக்குமூலம் அளித்தார். அதில், கடந்த 5 ஆண்டுகளாக 11, 12ஆம் வகுப்பு மாணவிகளிடம் பாலியல் தொந்தரவில் ஈடுபட்டது அம்பலமாகியுள்ளது.
மாணவிகளின் வாட்ஸ்அப் மூலம் சாட் செய்து பாலியல் தொந்தரவு அளித்ததாகவும், பாலியல் புகார் விவகாரம் வெளிச்சத்திற்கு வந்ததும் போனில் உள்ள தகவல்களை நீக்கியதாகவும் வாக்குமூலம் அளித்தார். மேலும் போலீசார் அவரிடம் விடிய விடிய விசாரணை நடத்தியுள்ளனர். அப்போது பள்ளியில் உள்ள வேறு சிலருக்கும் இதில் தொடர்புள்ளதாக ராஜகோபாலன் வாக்குமூலம் அளித்துள்ளதாக தகவல் வெளியாகியுள்ளது. இதையடுத்து ராஜகோபாலை இன்று நீதிமன்றத்தில் ஆஜர்படுத்தப்பட்ட பின்னர் சிறையில் அடைக்கப்பட உள்ளதாகவும், பின்பு காவலில் எடுத்து விசாரிக்க போலீசார் முடிவு செய்துள்ளதாக தகவல் வெளியாகியுள்ளது.