5 மாவட்ட மாணவர்களுக்கான தேசிய மாணவர் படை முகாம் தொடங்கியுள்ளது.
தர்மபுரி மாவட்டத்தில் உள்ள நல்லானூர் பகுதியில் ஜெயம் என்ற பொருளியல் கல்லூரி அமைந்துள்ளது. இந்த கல்லூரியின் வளாகத்தில் தர்மபுரி, கிருஷ்ணகிரி, சேலம், நாமக்கல், வேலூர் ஆகிய 5 மாவட்டங்களை சேர்ந்த பள்ளி, கல்லூரி மாணவ- மாணவிகளுக்கான தேசிய மாணவர் படை பயிற்சி முகாம் நேற்று தொடங்கியது . இதில் 500-க்கும் மேற்பட்ட மாணவ-மாணவிகள் கலந்து கொண்டனர்.
இந்த முகாமை பட்டாலியன் கேப்டன் கமாண்டர் தினேஷ் ராஜா தொடங்கி வைத்துள்ளார். இந்நிலையில் வருகின்ற 26-ஆம் தேதி வரை நடைபெறும் இந்த முகாமில் துப்பாக்கி சுடுதல் போன்ற சிறப்பு பயிற்சிகள் அளிக்கப்படுகிறது. மேலும் எய்ட்ஸ், புற்றுநோய், சமூக சேவை போன்றவை குறித்து விழிப்புணர்வுகள் ஏற்படுத்தப்படுகிறது