ஜவுளி துறைக்கு ஊக்கமளிக்கும் வகையில் மிகப் பெரிய முதலீட்டு பூங்கா திட்டம் செயல்படுத்த ரூ.5.45 லட்சம் பட்ஜெட்டில் ஒதுக்கீடு செய்யப்பட்டுள்ளது.
இந்திய வரலாற்றில் முதல் முறையாக டிஜிட்டல் வடிவில் மத்திய நிதிநிலை அறிக்கையை மூன்றாவது முறையாக நிதி அமைச்சர் நிர்மலா சீதாராமன் தாக்கல் செய்துள்ளார். அதன் பிறகு அவர் ஆற்றிய உரையில், “கொரோனாவால் பொருளாதாரம் மிக கடுமையாக பாதிக்கப்பட்டுள்ளது. கொரோனா காலத்தில் மக்கள் சிரமப்படாமல் இருக்க ஏழைகள் நலவாழ்வு நிதி உதவியை பிரதமர் மோடி தொடங்கினார்.
மேலும் காகிதமில்லா பட்ஜெட் தாக்கல் மூலம் மத்திய அரசுக்கு 140 கோடி மிச்சமாகும். பொது முடக்கத்தை அமல்படுத்தாமல் இருந்திருந்தால் கொரோனாவால் மிகப் பெரும் சேதத்தை சந்தித்திருக்க நேர்ந்திருக்கும். பொது விநியோகத் திட்டத்தின் கீழ் தானியங்கள் இலவசமாக வழங்கப்பட்டன. கொரோனா காலத்தில் பணியாற்றிய முன் களப் பணியாளர்களுக்கு நன்றி” என அவர் தெரிவித்துள்ளார். இயதையடுத்து மத்திய பட்ஜெட் ஒவ்வொன்றாக வாசித்து வருகிறார்.
அதில், ஜவுளி துறைக்கு ஊக்கமளிக்கும் வகையில் மிகப் பெரிய முதலீட்டு பூங்கா திட்டம் செயல்படுத்தப்படும். மூலதன செலவினங்களுக்கு ரூ.5.45 லட்சம் கோடி ஒதுக்கீடு செய்யப்பட்டுள்ளது. மூலதன செலவினங்களுக்காக மாநில அரசுகள், அதிகார அமைப்புகளுக்காக ரூபாய் 2 லட்சம் கோடி நிதி ஒதுக்கப்பட்டுள்ளது. மேலும் பல விமான நிலையங்களில் பராமரிப்பு பணி தனியார் நிறுவனங்களிடம் ஒப்படைக்கப் படும் என்று தெரிவிக்கப்பட்டுள்ளது.