5 லட்ச ரூபாய் எங்கே….? அம்மா மருந்தகத்தில் நடந்த வேலை…. பெண் ஊழியர்கள் கைது…!!

5 லட்ச ரூபாய் பணத்தை கையாடல் செய்த குற்றத்திற்காக அம்மா மருந்தக பெண் ஊழியர்களை காவல்துறையினர் கைது செய்துள்ளனர்.

சென்னை மாவட்டத்திலுள்ள போரூர் ட்ரங்க் சாலையில் அம்மா மருந்தகம் செயல்பட்டு கொண்டிருக்கிறது.இங்கு மருந்தாளர் சுபாஷினி, உதவி விற்பனையாளர் கிறிஸ்டோபர் போன்றோர் பணிபுரிந்து வந்துள்ளனர். இந்நிலையில் இந்த மருந்தகத்தில் 5 லட்ச ரூபாய் மதிப்புள்ள மருந்து பொருட்களை விற்பனை செய்து அந்த பணத்தை கையாடல் செய்தது தெரியவந்துள்ளது.

இதுகுறித்து கூட்டுறவு பண்டகசாலை தலைவர் தேவராஜ் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் நடத்திய விசாரணையில் சுபாஷினி மற்றும் கிறிஸ்டோபர் ஆகிய இருவரும் இணைந்து பணத்தை கையாடல் செய்தது உறுதி செய்யப்பட்டுள்ளது. அதன்பின் காவல்துறையினர் 2 பேரையும் கைது செய்து விசாரணை மேற்கொண்டு வருகின்றனர்.