நடனம் என்பது ஒரு கலையாகும். ஆனால் நடனம் ஆடியதால் நிறைய பேர் இறந்துள்ளனர் என்று சொன்னால் நம்ப முடியுமா? ஆம். பிரான்ஸ் நாட்டில் கடந்த 1518-ம் ஆண்டு தனியாக சாலையில் நடந்து கொண்டிருந்த நபர் திடீரென நடனமாடியுள்ளார். இதைப் பார்த்த மக்கள் மகிழ்ச்சியின் காரணமாக நடனம் ஆடுகிறார் என நினைத்துள்ளனர். ஆனால் மறுநாளும் அதே இடத்தில் அந்த நபர் நடனமாட, அவருடன் சேர்ந்து சிலர் நடனம் ஆடியுள்ளனர். இந்நிலையில் நாட்கள் செல்ல செல்ல அந்த இடத்தில் நிறைய மக்கள் நடனமாட ஆரம்பித்துள்ளனர்.
இந்த மக்கள் தொடர்ந்து நடனம் ஆடியதால் மூச்சுத் திணறல் ஏற்பட்டு உயிரிழந்துள்ளனர். அதன் பிறகு தான் மக்களுக்கு அது சாதாரண நடனம் இல்லை என்றும் அது ஒரு நோய் என்பதும் தெரியவந்துள்ளது. இந்த நோய்க்கான சரியான காரணம் இதுவரை விடை தெரியாத மர்மமாகவே இருக்கிறது. இந்த நோய்க்கு அறிவியலாளர்கள் கோதுமையை எற்காட் என்ற நோய் தாக்கியதாகவும், அந்த நோய் தாக்கிய கோதுமையால் மக்கள் உணவு சமைத்து சாப்பிட்டதால் தான் உயிரிழந்ததாகவும் கூறுகின்றனர்.