தமிழகத்தில் கொரோனா பாதித்தவர்கள் எண்ணிக்கை 5000யை கடந்துள்ளது அதிர்ச்சியை ஏற்படுத்தியுள்ளது.
தமிழகத்தில் தொடர்ந்து கொரோனாவின் தாக்கம் அதிகரித்துக் கொண்டே வருகிறது . நேற்று மட்டும் 771 பேருக்கு நோய் தொற்று உறுதி செய்யப்பட்ட நிலையில் இன்றைய கொரோனா பாதிப்பு நிலவரம் குறித்து தமிழக சுகாதாரத்துறை வெளியிட்டுள்ளது. அதில் தமிழகத்தில் இன்று ஒரே நாளில் 580 பேருக்கு கொரோனா இருப்பது கண்டறியப்பட்டுள்ளது. இதனால் தமிழகத்தில் கொரோனா பதித்தவர்களின் எண்ணிக்கை 5409ஆக உயர்ந்துள்ளது.
இன்றைய பாதிப்பில் அதிகபட்சமாக சென்னையில் 316 பேருக்கு தொற்று உறுதி செய்யப்பட்டதால் சென்னையில் மட்டும் கொரோனா பாதிப்பு எண்ணிக்கை 2,644ஆக உயர்ந்துள்ளது. கொரோனா தொற்றால் இன்று 2 பேர் உயிரிழந்துள்ளதால் மொத்த பலி எண்ணிக்கை 37ஆக உயர்ந்துள்ளது. கொரோனா பாதித்ததில் 3,730 பேர் ஆண்கள் என்றும், 1677 பேர் பெண்கள் என்றும், மூன்றாம் பாலினத்தவர் 2 என்றும் சுகாதாரத்துறை தெரிவித்துள்ளது.