சாலை பாதுகாப்பு கிரிக்கெட் போட்டியின் முதல் போட்டியில் சேவாக் ஆட்டநாயகனாக தேர்வு செய்யப்பட்டார்.
சாலை பாதுகாப்பு விழிப்புணர்வு கிரிக்கெட் டி20 தொடரின் முதல் போட்டியில் சச்சின் தலைமையிலான இந்தியா லெஜெண்ட் அணியும் , லாரா தலைமையிலான வெஸ்ட் இண்டீஸ் லெஜெண்ட் அணியும் மோதியது. முதலில் பேட் செய்த வெஸ்ட் இண்டீஸ் லெஜெண்ட் அணி 20 ஓவர்களில் 8 விக்கெட் இழப்பிற்கு 150 ரன் எடுத்தது. அதிகபட்சமாக சந்தர்பால் 61 ரன் எடுத்தார். இந்திய அணி சார்பில் ஜாகிர் , படேல் , ஓஜா தலா 2 விக்கெட் வீழ்த்தினர்.
இரண்டாவது இன்னிங்க்ஸை தொடங்கிய இந்திய லெஜெண்ட் அணி 10 பந்துகள் மீதம் வைத்து 7 விக்கெட் வித்தியாசத்தில் அசத்தல் வெற்றி பெற்றது. சிறப்பான ஆட்டத்தை வெளிப்படுத்திய சேவாக் 57 பந்துகளில் 11 பவுண்டரிகளுடன் 74 ரன்கள் அடித்து வெற்றிக்கு வித்திட்டார். இந்திய லெஜெண்ட் அணியின் வெற்றிக்கு அடித்தளமிட்டு கொடுத்த வீரேந்திர சேவாக் ஆட்டநாயகனாக தேர்வு செய்யப்பட்டார்.