நபர் ஒருவர் உறவினரை வெட்டி துண்டுகளாக்கி விலங்குக்கு உணவாக்கியுள்ள சம்பவம் அதிர்ச்சியை ஏற்படுத்தியுள்ளது.
பிரிட்டனை சேர்ந்த முதியவர் ஸ்னேல் கிரகாம்பெல்(71). இவருடைய வங்கி கணக்கில் இருந்து தொடர்ந்து பண மோசடி நடந்துள்ளதாக தன்னுடைய உறவினரான டேனியல்(30) என்பவரின் மீது காவல்நிலையத்தில் புகார் அளித்துள்ளார். ஆனால் காவல்துறையினர் இதுகுறித்து விசாரணை தொடங்குவதற்கு முன்பே டேனியல் தன்னுடைய உறவினரான முதியவர் ஸ்னேல்லை கொலை செய்துள்ளார்.
பின்னர் வாடகை டாக்ஸி ஒன்றில் கடைக்கு சென்று சடலத்தை துண்டாக்குவதற்கு தேவையான பொருட்களை வாங்கி வந்துள்ளார். இதையடுத்து சடலத்தை துண்டு துண்டாக வெட்டி கொண்டு போய் விலங்குகளுக்கு உணவாக சாப்பிட கொடுத்துள்ளார். மீதி இருந்த உடல் பாகங்களை குப்பைத்தொட்டியில் மறைத்து வைத்துள்ளார்.
இதுகுறித்து காவல்துறையினர் விசாரணையில், மதுபோதையில் ஸ்னேல் பாத்ரூமில் வழுக்கி விழுந்ததாகவும், ஆனால் அப்போது தான் போதை மருந்து பயன்படுத்தி இருந்துள்ளார். இதனால் காவல்துறையினர் சந்தேகம் வரலாம் என்பதால் மறைத்ததாக தெரிவித்துள்ளார். மேலும் இவர் முதியவரின் கணக்கில் திருடிய பணத்தை போதைப்பொருள் வாங்குவதற்காகவும், ஆடம்பர செலவு செய்யவும் பயன்படுத்தியது தெரியவந்துள்ளது.