புதுக்கோட்டை மாவட்டத்தில் வீட்டு வாசலில் கட்டிப் போட்டிருந்த ஆடுகளை தெரு நாய் கடித்து குதறியதில் 7 ஆடுகள் உயரிழந்த சம்பவம் சோகத்தை ஏற்படுத்யுள்ளது.
புதுக்கோட்டை மாவட்டத்திலுள்ள மெய்க்கேல்பட்டி பகுதியில் ஆரோக்கியசாமி என்பவர் வசித்து வருகிறார். இவர் தனது வீட்டில் வளர்த்து கொண்டிருந்த வெள்ளாடுகளை வாசலில் கட்டிப் போட்டிருந்தார். அப்போது அந்தப் பகுதியில் சுற்றித் திரிந்த நாய்கள் வெள்ளாடுகளை கழுத்தில் கடித்து குதறியுள்ளது. இதில் 7 வெள்ளாடுகள் சம்பவ இடத்திலேயே பரிதாபமாக இறந்து விட்டது.
மேலும் ஆலங்குடி பகுதியில் தெருக்களில் ஏராளமான நாய்கள் சுற்றித் திரிகின்ற நிலையில் அவைகள் பொதுமக்களை மற்றும் வீட்டில் வளர்க்கப்பட்ட ஆடு, மாடுகளை கடித்து அச்சுறுத்தி வருகிறது. இதனால் தெரு நாய்களை அப்புறப்படுத்த வேண்டி அப்பகுதி மக்கள் கோரிக்கை விடுத்துள்ளனர்.